Akhi mapang ama tanü putu nunga tamshir ka dak alitsü item sempet aser yimya alimai nüngdaker

–  O. Benjung Jamir, Tzüdikong.

1. Ochi nung alitsüla.
2. Tasü aitba agi tanga meperi
3. Wanshin metetea agi tanga meperi.
4. O Jembiba agi tangar molungjang yimsa-a jembitetba agi tanga meperi.
5. Kanga tesashi agi tanga meperi.
6. Pei nütsüng nübur dang meimba agi danga meperi.
7. Tatasa taremzük agi tanga meperi.
8. Saka ajak peria alitsü nüngdaker.
9. Lendong anogo nunga na tama asütsü nüngdaker.
10. Nüngdak temra na tesü asütsü nüngdaker.
11. Mapang ajak nung na tama asütsü nungdaker.
12. Nubur molungba asü masü? Bilemdangtsü nüngdaker
13. Nü taküm apayudang yimli laotsü.
14. Ano asen den aliba medemer tanishir maden asen kija dang agitsü bilemba mesüra kümzükba agi tanishir ka mapa aser jakla masü.
15. Nisung ajaki pei taküm apayur
16. Tagitsü nüngdak saka nütsüng nüburi molungba nung azüeta alidang taküm tatem akümbaji taküm alidang taoba.
17. Nür yimtak, Town nung na nür mepu nung tanishir asütsü shimtet, o aika arudang na tasü maiter asü, na lular asü, nüngsen arudang na arendaka ali asü, medemer den angatettepa alitsü nüngdaker.
18. Medemer tang tera jashi nung na tezü atanger asü, Yimliji topur yimli teti asen den lir. Bilemdangtsü nüngdaker.
19. Teburji teti an tepong ama tekümküm alimai nüngdaker, ochi nüngdaker nai inyakba jembiba mapa nübur molung asütsü nüngdaker. Nai inyakba mapa nung nüsasa koda südir ta bilemba menüngdaker.
20. Ayartrem nung kinü tanuri ajepdang yimer ajak nükendaktsür medem, na asaprangba olaji amang nung mongzüi Senchire Sinchire ta asadang tanü agia tsübu ama na mazüokba ola agi nübur mesüngjemtet, iba amala tanishir menüngdaker.
21. Teroto mapang süngyu ongo ozü min nung asar ama temenungratsü ka nü ola tajung ochi ola nüngdaker.
22. Tanishir kaji tajung nung tenüng tuteta alitsü nüngdaker.
23. Yimküm-nü mi apudang anüng-a tonga mokozü longa angu ama, alima dang nü ochi sempet sayutsü nüngdaker.
Tanü putu nung iba ama tekümküm shisa nula aketer alimai kanga nüngdaker. Nüburtemi angateta bushitsü nüngdaker. Alemli oboula nunger tekolak alepba konang bushidang ochi tamasa südaktsü, yamaji kong kechi atadir, ataka Yimten Loktiliba ajak nung ochi nüla aliba tanishir nüngdaker.
Tanishir kaji küm aika nübur tenzükyonga mapa tajung meinyakra jenjang mongji kecha mali. Mapang tatsüka iba li nung alidang lokti anidang ochi nung nüngtugu küma anitsü nüngdaker.
Iba lima nung nisung ka takümji putsülen nung tatempang mong majitet ama, iba lima nung meimchir lipetliyonga aotsü. Iba ama nüla tajung aketer alimai nüngdaker.
Iba lima yagi anaben marutsü na ataba tenzükba mapa tajunga tamajunga taküm yabo tatem akümtsü saka lanu-asensor nüngjang petinu dang nungi teimba alima nung liyonga aotsü nai inyakba mapaji na taküm ali ama alimai jembitsü nüngdaker. Na taküm ali ama nü sübotsü nü yimya nükla nung ngudaktsütsü nüngdaker.