Akhilesh aser Mayawati na longjemtsüa akok: Lalu Prasad

Patna (Bihar), July 05 (Agencies): Bodhbarnü Rashtriya Janata Dal (RJD) tongti, Lalu Prasad Yadav-i, Samajwadi Party lenir, Akhilesh Yadav aser Bahujan Samaj Party tongti, Mayawati na longjemtsüa akok, ta jembi.
Akhilesh aser Mayawati na longjemra 2019 General election nung parnoki BJP madak takok angutsü, ta paisa ashi.
Patna nung senden ka nung jembidang Lalu-i, opposition party tem tashiji BJP-i junga meteta lir, ta ashi.
“Yimtenren lenir ajaki parnok mapatong apir inyaker. BJP-i Mayawati, Akhilesh, Robert Vadra, Priyanka Gandhi, Mamata mesüra Kejriwal, Lalu Yadav mesüra par kibong raksatsüner, kechiyong parnoki onok tashi junga meteta lir. Iba den külemi opposition party tem ajak longjemra 2019 sorkar akumtsüji pungmang ka dang asütsü ta BJP-i meteta lir,” ta paisa ashi.’
Taruba Lok Sabha election nungbo Modi-i aniba BJP tamakok ngudaktsutsu atema party tem longjemtsü asoshi Lalu-i aiben jembia arur.