Akhoya arogo lanurtem centenary among

Dimapur, Dec.19 (TYO) : Akhoya Baptist Arogo nung lanurtem asoshi department balaka tenzüker taküm 2017 küm, küm 100 ajungbamong centenary sentong December 15, 2017 nü takok ngua agiogo.
Iba centenary mong omen “Tsüngrem Sentsüwangshidakjang” ta asüba onük nung ABAM Youth Secretary, Wb.Toshi Sangliri jembi aser “Asüng Lanur Wadang” onük nung taoba ABAM Youth Secretary aser tang Tzümokong Baptist Arogo nung sannüker, Rev.Dr.Imti-i Tsüngrem o jembia liasü.
Iba sentong nung Akhoya nung aliba lanurtem den arogo purtem aser temeket arogotem nungia arua shilem tajung agia liasü.
Iba centenary sentong takok ngudakja shilem agir aser tenla tajung agütsürtem ajak dang kanga pelar aser Tsüngrem tenüng asanger ta Centenary Planning Committee aser Akhoya Bapatist Arogo nung Youth deparment office ajanga metetdaktsüogo.