Akhrie & Khrienyii na 2 buba IGS Badminton champions kümogo

Kohima kübok Indira Gandhi Stadium nung Nizheto Awomi, Deputy Director, YRS (Abelen)-i 2 buba IGS Badminton Club Tournament 2016 asayamong nung takoker nem sempet/senpet agütsüba noksa nung angur. (Kohima, November 28)

Kohima, November 28 (TYO): Akhrie aser Khrienyii nati final asaya koka, Kohima kübok Indira Gandhi Stadium (IGS) nung tan November ita 24-26 nü tashi ayonga asayaba 2 buba IGS Badminton Club Tournament 2016 champions kümogo.
Kasa asayamong nung Sedevizo aser Ren nati tanabuba jenjang ajangzüka liasü.
Temaba jenjang angur nem takok marok den senpet sen 5000 aser tanabuba jenjang ajangzüker nem tanabuba jenjang takok marok den senpet sen 3000 agütsü.
Tan asayamong nung Sedevizo Zatsu-i Best Player sempet agizük.
Nagaland Youth Resources & Sports (YRS) nung deputy director, Nizheto Awomi-i takoker nem sempet aser senpet agüja liasü.