‘Akira’ film agi ananü nung sen crore 10 aatet

Mumbai  September 4, 2016 : Actress Sonakshi Sinha-i shilem agiba action film ‘Akira’ sayar anogo ananü buba nung sen crore 10.45 aateta lir.
A.R. Murugadoss-i direct asüba “Akira” film ya taoba Hokolbarnü saya.
Iba film yagi mezüngnü dang nungia tananü sen tera agi timba aatet. Iba film yagi mezüngnü sen crore 5.15 aser tananü sen crore 5.30 aatet, ta sangdong ka ajanga metetdaktsü.
Fox Star Studios ajanga sayuba “Akira” film ajanga Sonakshi aser Murugadoss na tanabenbuba külemi inyaktsü maongka angu. Pai tamalena Sonakshi-i shilem agiba “Holiday” film direct süa lir aser iba film ji box office nung kanga takok angu.
“Akira” film nung Sonakshi-i Jodhpur nungi Mumbai nung arua alir tetsür ka shilem agia lir. Film otsü nung la azüngba college nung nisung tamajungertem den la mangatettep adokba angutsü. Otsü nungsa la item nisung tamajunger aser police tamajung kar den la anema benoka aliba case akoktsü merangba angutsü. Nisung tamajung shilemtemji Anurag Kashyap aser Konkona Sen Sharma nungeri agia lir.