AKM-i Mkg telungtet nung “Survival drive Phase 3” inyak

Ao Kaketshir Mungdang (AKM) tatong tir aser Survival Mokokchung convener Sp. Akummeren-i anir AKM ketdangsertemi Mokokchung district telungtet nung ozüngi memelaba nisungtem mitba maparen “Survival drive Phase 3” inyakba mapang tangokba noksa ka angur.

Dimapur, March 31 (TYO) : March 28 nungi 30, 2016 tashi Ao Kaketshir Mungdang (AKM)-i Sabangya, Longjongkong, Mangkolemba jila aser Tzürangkong nung “Survival Mokokchung” sentongtem ayongzüka agi.
Iba mapa ya AKM Vice President aser Survival Mokokchung Convenor, Akummeren Longchar lenisüba kübok inyak aser iba mapang AKM-i non locals 300 shi tendang aser parnok maitsü jangja.
AKM-i 2007 küm Mokokchung jila nungi Illegal Bangladeshi Immigrants (IBI) agientsü atema ‘Survival Mokokchung” mapatong tenzük.
Tang inyakba maparen nung yaritepba atema Chungtia village Council, Chungtia Student Union, Longjongkong Executive Council, Mangkolemba Adhoc Town Council, Mangkolemba Lanur Telongjem, Mangkolemba Town Student Union, Tzürangkong Senso Mungdang, Tzürangkong Student Union, aser Chungtiayimsen village council nunger dang kanga pelar, ta AKM-i sangdong ka nung metetdaktsü.