Mokokchung, February 23 (TYO) : Ao students’ Conference (AKM)-i tanü Mongulbarnü, Sangtemla Ward, Mokokchung nung nüburtem dang süngjanglijang teraksa ayokba dokan ka aoksaa semdangogo, ta AKM Tir Jemti Longchar aser Repsem zülur Shilu Longchar nati sangdong ka ajanga metetdaktsü.
M/S Hills Fruits House ya Uttar Pradesh nunger D.H Singh’er jabaso Jeetendra Singh meyong lir.
Police nem osang agütsür iba dokan mita reprangdang onoki iba dokan nung aliba süngjanglijang noklang nung shilem 80 tashi tachitsü majung raksar aliba putet, ta tenati ashi.
Sen meyirjang tenem dak tema alang süngjanglijang police-i pua lir.
Dokan kiburji süngjanglijang teraksa den külemi police nem bendanga agütsüogo, ta kasa sangdong nung shia lir.
Ao Stundents’ Confrence (AKM)-i, Mokokchung jila aser temeket nung aliba dokan kiburtemi nüburtem dang chiyungtsü teraksa mayoktsüla, ta iba sangdong ajanga metetdaktsür.
Kasa sangdong ajanga AKM-i, lemzükja aliba department-i mapang shia dokan tem aoksaa semdanga ozüngi melaba ama chiyungtsü ayoker asü mayokerar metettsü merangtsüla aser nüburtemia chiyungtsü alidang kanga kümdangtsüla aser tim masüba putetra iba tsütsü inyakertem nem osang agüjang, ta meteta alitsü shiogo.
You must be logged in to post a comment Login