AKM planning committee senden amen

Mokokchung, August 28 (TYO): Ao Kaketshir Mungdang (AKM)  67 buba lokti senden alitsü atema planning committee aser AKM ketdangpurtem August 27, Honibar nü AKM conference Hall nung mezüngbuba senden jatepa shisalemsatepa menogo.
Iba senden nung tongtibang onüktemji 67 buba lokti senden koba Changtongya yimtak amongtsü lir iba dak sentakba tongtibang nüngdaktep lemsatep. Senden nung AKM lokti senden taruba küm January 18, 2017 nungi January 20, 2017 tashi nung amungtsü ta lemteta ayu.
AKM 67 buba planning committee nung mendenbuba Merenzulu (Sungratsu) pai anir AKM sentongrentem ajak taruba senden nung yanglua inyaksangshitsü senden nung lemteta ayu.

You must be logged in to post a comment Login