Akokbai Amola dang asüngdanger

Alok : Nenoki kechiba temang ajak menempangi süoshi ya asemer, shitakba agibo onok tebur dang süoshi ya tilala asemtsüba ato ?
Amola : Alima talang nungi arurtemi asenok Nagaland ya tesabuba, kechiba süra asen lima nung tenem, ayong tajung lir, aji reprangner aruba ya nenoki memetet no?
Alok : Tangari alima tobur ajung tenem, ayong reprangnü nung nenok tetsürtemi süoshi tilala asemtsü na?
Amola : Onok tetsürtemi temang rangben nempanga asem nungbo parnok tetsür dak aliba tenem, ayong amala alibatemji junga angutsü iba jagi ajaki reprangtettsüsa aser onok dak aliba ngudaktsünüdang suoshi tilalaji asemer ati.
Alok : Tangar anidentsü, aser tangar nem reprangdaktsünüdang lendong, timtem ajurutsü.
Amola : Onok tetsürtem dak temeim lir nenok tebur tem tekolak nungi temepu tashi temang ajak nembanga sübudaktsü nüdang nenok agir anüngba tanüngzük terara agi onok suoshiji tabu ser tilala dang agi arüa-a asemtsü sa akümer aja.
Alok : Ni dang-ang angatetter nenok dak temeim ulura aliba agi yamai suoshi tapu tila sübor süra, dang nungibo onok teburtemi nenok timtem meteta onok teburtemia nenok ang timmedemdaktsüi onokia suoshi onok dak kechi nempangtsü tim ibaji dang nempangtsüsa sü tilala agi peritsü sübutsü ajungshidi.
Lilir : I.Jamir, Dimapur