Akram-i PCB dang World T20 nung shilem agitsü ajungshir

Karachi, December 13 (Agencies): Pakistan nungi cricket asayar tejen, Wasim Akram-i, Sangküm India nung asayatsü aliba ‘World T20 Championship’ nung Pakistan-a shilem agitsüla, ta Pakistan Cricket Board (PCB) dang ashi.
“World T20 asayamung ya ICC dak sentakba asayamung ka lir aser kechisüdir süaka asenoka shilem agitsüla. World T20 nung shilem magiba ajanga asenok ang akoksatsü,” ta Karachi nung osangbenertem dang Akram-i ashi.
India aser Pakistan na series asayatsü asoshi India-i telangzüba menua magütsüba ajanga asenok World T20 asayamung nung shilem agitsü aliba matitsüla, aser Board of Control for Cricket in India (BCCI)-ia memunui telangzüba agütsütsüla, ta Akram-i ashi.
“India-i asenok den masayanera kecha masü, parnok den masaya yonga asenok masütsü. Indai o Pakistan na cricket asayayonga masayayonga kiralongra tebilemtsübo matemtsü,” ta arishi küm 49 tain, Akram-i ashi.