AKRSU-i ghonda 36 atema Lakhimpur mokdanger

Lakhimpur, Luroi (August) 29 (Agencies): All Koch-Rajbongshi Students’ Union (AKRSU)-i Bodbarnü Lakhimpur district nung ghonda 36 mokdangba sentong ka ayonga tenzük saka nübortemi balaka shilem magi.
Kamatapur State balaka tentettsü aser Koch-Rajbangshi nunger nem Scheduled Tribe (ST) jenjang agüjang ta takhangba agüja parnoki lungkak aiter.
Tanü AKRSU-i mokdangba sentong nung nisung ajakibo shilem magi kechiyong Lakhimpur district nung nija garitem akhi ama senzü. Ajisüaka public transport services nungbo tetsükdaktsü ajuru.
Mezüng anogo nung school aser college tem ajak lapok saka kaketshirtem kangabo maru.
North Lakhimpur nung district headquarters, offices, judiciary aser tanga departments ajak lapok. Ajisüaka shishilembadak aser dokan ajunga shibang.