Akshay-i B’wood stuntman tem atema insurance aginer

Mumbai, May 24 (Agencies) : ‘Bollywood  action hero’ ta tenüng agütsür alisang actor Akshay Kumar-i, Hindi film industry nung lendong aketba jilushi aiertem (stuntman) atema insurance mali aser ibaji melenshitsüla, ta ashi.

“Bollywood nung ‘Safety’ inyakyim majung. Tawa ka nungibo tia kaa film tangokba tesem nung doctor aser ambulance arua atar. Ajisüaka lendong aketba jilushi aiertem atema insurance kecha mali anungji parnok atema insurance renemtsütsü onoki merangdar,” ta Akshay-i ashi.

Tang mapang ya Akshay-i pa shilem agiba “Housefull 3” film ajungket tiyalong lir.

‘Housefull’ film shilem tasembuba ya Sajid-Farhad-i direct asü. Iba film mezüng shilem anaprong Sajid Khan-i direct asü.

“Housefull 3” film nung Riteish Deshmukh, Abhishek Bachchan, Jacqueline Fernandez, Nargis Fakhri aser Lisa Haydon nungeria shilem agia lir aser June 3, 2016 nü sayatsü.

“Comedy film nung shilem agitsüji kanga tasak ajisüaka nüburtemi iba ama film ya kangabo mezüngshir,” ta Akshay-i ashi.