Akshay-i Schwarzenegger melena ‘Robot 2’ film nung shilem agitsü

December 18 : Bollywood action-comedy hero, Akshay Kumar-i nungtugu Hollywood actor, Arnold Schwarzenegger melena ‘Robot 2’ film nung ozüng alema inyaker ama tongti shilem agitsü renemogo.
Rajinikanth-i yanglutsü renemba ‘Robot 2’ film nung shilem agitsü asoshi Schwarzenegger-i mezüngbo sentong renem saka pai mepaidoktetba timtem kar ajuruba yong pai film nung shilem magitettsüsa akümba osang jangjaogo.
Rajinikanth aser Aishwarya Rai Bachchan nati tongti shilem agia taoba mapang, 2010 küm yangluba ‘Robot’ film den sentaktepba film ka ‘Robot 2’ film ya lir.
Asayamenü aser züktepba film balala nung tongti shilem agir, Askhay-i tan mezüngsüa ozüng alema inyaker shilem agir asütsü.