Chennai, February 28, 2016 : Rajnikanth-i shilem agitsü aliba “2.o” film nung shilem agitsü asoshi Bollywood action star Akshay Kumar-a Deobarnü film tangokba tesem tongogo.
“Akshay tanep yimti tongogo. Pa Hombar nü nungi tenzüka film tangokba nung shilem agitsü imlar koba hopta ishikabo maneni tangokba sülenang anisüngzüktsü,” ta osang ka ajanga metetdaktsü.
Iba film nung Akshay ya negative shilem agitsü aser iba ya pa asoshi Tamil Film nung mezüngsüa shilem agir asütsü.
“2.o” film ya Lyca Productions-i produce asür aser Amy Jackson-ia shilem agitsü.
Iba film Rajnikanth-i taoba mapang shilem agiba “Enthiran” film sen setaktepa yangluba lir.
2.o film nung music ajak Oscar awatd anaben angsang, kenmejemer A.R Rahman-i mejemtsütsü.
You must be logged in to post a comment Login