Akshay Kumar-i aluyimertem nem sen lakh 90 tenla agütsü

September 16, 2015: Bollywood actor Akshay Kumar-i Maharashtra nung tzünglu junga maruba ajanga takoksa ajurur aluyimertem nem sen lakh 90 tenla agütsüogo.

Taruba ita trok tashi district shia nung aluyimer 30 sen 50,000 angutsü.

Iba tenla mapa tajung ya Beed districts IG Vishwas Nangre Patil aser Akshay atema inyaker Vedant Bali nati acha ayanga inyak.

Actor tain Nana Patekar aser cricket asayar Ajinkya Rahane nungeria aluyimertem nem tenla aika agütsüogo, aser tang Akshay-ia aluyimertem nem tenla agütsür.