Akshay Kumar-i Bhagat Singh nem akümtsübu agütsütsü

New Delhi, September 24, 2015: Bollywood actor Akshay Kumar-i Deobar nü pai shilem agia aliba “Singh Is Bliing” film ajungketba mapang Bhagat Singh nem tetushi aser akümtsübu agütsütsü. Bagat Singh tasoba anogo tan Deobar nü lir aser pa ya India nüjiso asoshi raraba mapang linük nungi kanga tasü tait rarar ka liasü.
Bhagat Singh ya September 28, 1907 nü aso aser Lahore tepuokdak March 23, 1931 nü Rajguru aser Sukhdev nunger den külemi alenseta südaktsü.
Akshay Kumar den “Singh is Bliing” film nung shilem agir, Lara Dutta, Amy Jackson aser director Prabhudheva nungeri ‘Sadbhawna Diwas 2015’ nü chijiba Singh bilemteta amungtsü.
Iba sentongji ‘Shaheed Bhagat Singh Sewa Dal’ indang Shaheed-E-Azam Bhagat Singh Foundation ajanga ayokzüktsü, ta sangdong ka ajanga metetdaktsüogo.
Iba film ya October 2 nü sayatsü sentong lir aser iba sentong nung Akshay Kumar-i ‘Singh’ sobutsü sobur adentsü tebilemba lir.
Iba film nung acha ayangertemi Yamuna Sports Complex Stadium nung nübur aika sentepa alidak Bhagat Singh nem tetushi agütsüba sentong akatsü. Iba sentong nung Punjab Deputy Chief Minister Sukhbir Singh Badal-a adentsü imlar.