Akshay Kumar-i Chennai tzümetsüng atema sen crore ka tenla

December 15, 2015: Bollywood superstar Akshay Kumar-i Chennai tzümetsüng ajanga timtema alirtem yaritsü asoshi sen crore ka tenla agütsüogo.
Tzünglu tulu aluba ajanga tzümetsüng adoka timtemba ngua Akshay-i kanga aria bilema nisungtem yaritsü mulungtet aser ibaji atema pai director Priyadarshan dang ashi.
Priyadarshan-i Akshay Kumar dang iba teyari agütsütsü atema Suhasini Mani Ratnam den tongtepratepang ta ashiba sangdong ka ajanga metetdaktsü.
Suhasini-i ashiba ama pai iba sen crore ka tenlaji Bhoomika Trust nem agütsü. Bhoomika Trust yagi iba lendong tenzüknü nungi timtemertem nem chiyungtsü lemtsür.
Film yanglur aser Bhoomika Trust nung managing trustee, Jayendra-i sen crore ka cheque ji Akshay ket nungi agizük.
Akshay Kumar dang tama Shah Rukh Khan aser ‘Dilwale’ film indang project nung külemi inyakertemia sen crore ka kasa lendong nung alirtem yaritsü asoshi agütsüogo.