Akshay Kumar-i film nung Bal Thackeray shilem agitsüa akok

Mumbai, August 16 (Agencies): Bollywood superstar, Akshay Kumar-i, pai taoba mapang Shiv Sena party tentetsang, Balasaheb Thackeray indang taküm otsü nung pa shilem agitettsü asü magitettsüar mejangjar, anungji ibaji film yanglurtemi dang lemtettsüla, ta ashi.
Tawa sayaba film ‘Rustom’ kanga takok anguba sülen osangbenertem den jembidang, Akshay-i, “Pa indang shilemji ni agitettsü asü masüar ni mejangjar, shibai iba film yangludir pai dang ibaji lemtettsüla,” ta ashi.
Ano tasüngdangba ka langzüdang Akshay-i, “Nisungtemi ibaji bilemdangtsüla,  kechiyong paji atamata nisung ka masü. Anungji ni telangzüba magütsütettsü,” ta ashi.
Bal Thakaray taküm otsü indang film yangluba nung shilem agitsü atema tenüng aika rongnung Akshay densema lir.
Tang Thackeray’er semchir Rahul aser par jabaso kinüngtsü Smita nati Bal Thakaray indang taküm otsü yangludar.
Akshay-i tongti shilem agiba film’Rustom’ yaa taküm otsü nung ajemdaker yangluba film ka mesüka lir. Iba film ya 1959 küm navy officer kati pa kinüngtsü tedong tepsetba ken o nung ajemdaker yangluba film lir.
“Rustom” film sayar mezüngbuba anogo asem nung sen crore 50 dak tema aazükogo.
Akshay indang taruba film ji ‘Jolly LLB 2’ aser Rajinikanth indang ‘Robot’ sequel asütsü.