Akshay Kumar-i metzümeshiba ongken atu

Abelen noksa nung Akshay Kumar-i metzümeshiba ongken atuba angur. Achiji noksa azükba nung pa Kilonser Tomar den nokdaker tangokba noksa angur.

Khargone (Madhya Pradesh), April 1, 2017 : Bollywood actor, star Akshay Kumar ya tang “Toilet: Ek Prem Katha” film atema teinyakdak lir aser pai tanü mapang agiteter Khargone, Madhya Pradesh nung metzümeshiba ongken ka atu.
“Khargone District, MP nung kilonser Narendra Singh Tomar lia ozü indang mezüngbuba ongken ana alib metzümeshidak tesem ka atur. Rongsen intoka temelenshi bener arutsü nüngdak,” ta Akshay-i Honibar anepdang tweet asü.
Pa iba ongken atudang koterang ka amer ongken telung nung ia nokder aliba mapang tangokba noksa ka Twitter nung inokja lir. Iba den külemi ano pa Union Minister for Rural Development, Drinking Water & Sanitation, Narendra Singh Tomar den külemi nokdaker tangokba noksa tangaa ka dena pai inokja lir.
Linük Ato Kilonser Narendra Modi-i tenzüktsüba Swachh Bharat Abhiyan inyakyim ajanga ajungmesoba, Akshay-i shilem agitsü aliba “Toilet: Ek Prem Katha” film indang poster bo Brihostibarnü social media ajanga sayaogo.
Iba film ya tanga nüknürar film tem dang nungi tera balaka asütsü, ta Akshay-i tweet asü.
“Tayyar ho jayye Swachch Azaadi ke liye,” ta pai Twitter ajanga ashi.
Pai iba film nung actress Bhumi Pednekar den külemi shilem agitsü.