Mumbai, February 19, 2016 : Bollywood superstar Akshay Kumar-i linük nung aliba central university tem nung linük waku ajungketa ayutsü sentong junger ta ashiba mapang, tricolour ajanga India nunger temaba jenjangi atutsü jangrar aser nükjidong tasen tongtetdaktsür, ta shisem.
Pai human resource development ministry ajanga central university tem ajak nung linük waku ajungketa ayutsü tetuyuba agütsüba dak sentakba nung twitter ajanga Hokokbarnü o kar lemsatepogo.
“Nia central university tem nung linük waku ajungketa ayutsü telemtetba agibaji kanga junger ta bilemer kechiba süra yamaji inyakba ajanga nisung shiai pei dak aliba sempet tajungtiba temai adoka amshitettsü aser jenjang tajungba akümtsü asoshi ajungmesotsü,” ta Akshay-i twitter ajanga lemsatep.
Pei linük aroka ia angateta meimtsü mechi Smriti Irani aser Vice Chancellors (VCs) temi university tem kima nung waku ajungkettsü asoshi mulungtep.
Iba telemtetba ya Brihostibarnü HRD Minister Smriti Irani mendenbula sür central university tem nungi vice chancellors den senden ka amenba mapang agi.
Akshay ya sepai jabaso lir aser pai linük atema raraba film aika nung shilem agia lir. Tan tesüsa pai “Airlift” film nung shilem agia lir. Iba film ya 1990 küm Iraq o Kuwait na raraba mapang Kuwait nung aliba India nunger anitetba otsü lir.
You must be logged in to post a comment Login