Akshay Kumar kü danga takok tangoba: John Abraham

Mumbai, March 21, 2016 : Akshay Kumar den “Garam Masala”, “Housefull 2” aser “Desi Boyz” film tem nung külemi shilem agisang actor John Abraham-i, Akshay ji terenemtet nisung ka lir aser Bollywood nung pa kü dang nungia takok tangoba, ta ashi.

“Bollywood nung Akshay-i shilem agiba ngua nüburtem kanga ajungmesor. Pa ya pa sasa terenemtet nisung ka lir. Pa iba industry yagi 1985 küm ait aser ni 2003 küm ang ait, ajisüaka tajangshiba kasa ajangshia arur ajisüaka pa kü dang nungi takok tangoba actor ka lir aser ni pa kanga akhümtsübur,” ta John-i TV sentong “Yaar Mera Superstar” nung ashi.

Comedy film atema yimya yimpong ajak ni Akshay dang nungiang angazük aser iba jagi ni pa dang ‘guruji’ aser pai kü dang ‘sundi’ ta ajar, ta paisa ashi.

John ya tang pai shilem agiba “Rocky Handsome” film sayatsü atar. Iba film ya aruya aliba Hokolbarnü sayatsü.

Pai “Yaar Mera Superstar” sentong nung jembibaji TV nung Mongulbarnü angutsü.