Akshay Kumar’er ‘Airlift’ ajanga sen crore 70 aazükogo

New Delhi, January 27 (Agencies) : Bollywood actor Akshay Kumar-i tongti shilem agiba ‘Airlift’ film ajanga konang aika bener arudar aser nübortemi iba film ya ‘superhit’ ta ashir.

Iba film nung Akshay-i tasütait shilem agi aser iba atema nisungtemi pa nem tenüngsang agütsür aser box office nunga sen aika aazükdar.

‘Airlift’ ya January 22, 2106 nü saya aser tang tashi nung sen crore 50 den timba aazükogo. Mezüng hopta nung sen aika aazükdar aser film critic Taran Adarsh-i ashiba agi crore 79 aazükogo aser maneni aazüktsü.

UAE-GCC box office nung “Airlift” ajanga sen crore 8.12 aazük, US-Canada box office nung crore 5.53, UK box office nung 1.63, Australia nung lakh 93, New Zealand nung lakh 36, Pakistan nung lakh 99, Malaysia nung lakh 3 aser tanüngba nungi crore 1.27 aazükogo, ta Bollywood Hungama osang ajanga metetdaktsü.