Akshay Kumar’er jabaso first degree black belt nguogo

Mumbai, May 8, 2016 : Bollywood actor Akshay Kumar’er jabaso Aarav-i “Kudo, Okinawa aser Goju Ryu Karate Do” nung first degree black nguogo.
Action star Akshay Kümar-i, “Ni alima nung sempet tulutiba ngutetogo,” ta ashi.
Akshay-i par jabaso anüngsentsü uniform nung black belt mesür tangokba noksa ka twitter aser instagram na nung lemsatepogo.
“Airlift” film nung tongti shilem agisang, Akshay-i, “Ni kü tepela merasateter, pa takok ya ni asoshi sempet tulutiba lir,” ta twitter ajanga lemsatep.
“Ozü jabaso ya arishi küm pezü asüdang nung iba training agitsü tenzük. Aser tanü pa arishi küm 9 asüdang pai meranga inyakba ajanga Kudo, Okinawa aser Goju Ryu Karate Do nung first degree black belt ngutetogo,” ta pai ashi.
“Tepela karbo o agi merasateter aser iba tepela ya iba rongnungji lir. Ni tang kanga nema tanga bilemba ajanga iba osang nenok ajak den lemsateper…menüremba manenteter,” ta arishi küm 48 tain, Akshay-i lemsatep.