AKTD-i project atema sangdonger

Dimapur, Tsüklai 19 (TYO): Ao Kaketshir Telongjem Dimapur-i (AKTD) Wastebin Project ka tenzüka lir, aser iba project ya Golden Jubilee koba Nov. 2018 nung amongtsü aliba nüngtem nung tenzük aser Quarter Marathon Aenjeti (Jan) 29, 2018 nung ayongzükba sülen tanabuba mera asütsü.
Wastebin ajakji pure virgin plastic agi yangluba lir aser jenjang ji sen 400 alitsü. Asen kibong aser libaliro nung ‘Merükmeju’ koda tongtibang, ibaji sangdongtsü tebilemba nung iba project ya AKTD-i asameyanga tenzükogo aser asen Aoer kibong ajak dang iba project takok angutsü asoshi mulongsoa wastebin ji alidaktsüner. Ano tejangja osang asoshi, item contact numbers nung tongteprateptsü akok: AKTD Tir, Lanutoshi Aier, 8014650167, Tongti Zülur, Moayanger Jamir, 9774167972