AKTM-i Asetkong-Tsusangra lenmang nung mapa inyak

Mokokchung, December 7 (TYO) : Asetkong Kaketshir Telongjem Mungdang-i Hombarnü Asetkong tsükong ajaklen amshia lokti nübodoka mapa inyakogo.

Angati nübo agütsür nisung noklang aika adenshia Asetkong-Tsusangra lenmang nung merükmeju mapa inyak. Iba lenmang ajanga Asetkong nung yim ajak amshir aser tanü mapa inyakertemi lenmang nung gari mesenzütettsüsa raksar aliba ongkentem nembanga yanglutsüogo.

Iba mapa asoshi Geology & Mining Parliamentary Secretary, Dr Imtiwapang Aier-i senotsü teyari agütsüba atema pelaba metetdaktsür ta AKTM Tir Rongsennukshi Aier-i sangdong ka nung metetdaktsü.

Iba den külemi SDO-IV PWD (R&B), BDO Kobulong, Chami Village Council aser temeimertemi tenla agütsüba aser ano Kobulong Adhoc Town Committee aser sub-units-i yaritepba atema kanga pelar ta AKTM sangdong nungsa shia lir.