Al Pacino-i “God Looked Away” nung Tennessee Williams ama shilem agitsü

Los Angeles, December 17, 2016 : Actor Al Pacino-a “God Looked Away” play nung play zülur Tennessee Williams ama shilem agitsü aniokogo aser iba play ya Pasadena Playhouse atema parnok PlayWorks inyakyim sentong tasenba nung mezüngbuba production lir.
Dotson Rader-i yangluba iba play tasenba mezüng tenzüka yangluba mapang nung Judith Light-ia shilem agitsü. 1985 küm pai Williams bilemteta “Cry of the Heart” otsü kaket zülua lir. Iba play tasenba nung Williams dak tebilemtsü ajangshiba angutsü.
Light-i Williams indang medemer tajungtila, Estelle ama shilem agitsü aser la den ajaki meteta aliba actor tem Garrett Clayton, Miles Gaston Villanueva, Andrew Dits, Matt Gottlieb aser Takuma Anzai nungeria shilem agitsü
“Tennessee Williams play zülur lanur ka asüba mapang The Playhouse nung pa indang play ana saya lir anungji iba denji saku süa PlayWorks production-ia tan mezüngsüa iba nüngtugu America nunger paly zülur otsü produce asütsü,” ta Playhouse nung producing artistic director, Danny Feldman-i ashi.
“God Looked Away” otsü ya Robert Allan Ackerman direct asütsü. “Salome” film nunga pai Pacino direct süa liasü.
Iba show ya February 8, 2017 nungi March 19, 2017 tashi sayutsü.