Alan Thicke arishi küm 69 nung süogo

Los Angeles, December 22 (Agencies): Temang nung aliba tezü tulutiba aser temulungjang nungi temang shilem balalai azü belenshiba tezü poktangba ajanga Actor Alan Thicke asü, ta pa asüba kuli kaket nung shia lir. Pa arishi küm 69 nung December 14, 2016 nü asü.
1980s mapang TV nung tetemsü tebu ka shilem agiba ajanga pa alimai meteta aküm. Pa temang nung tezü tuluba poktangba aser ‘standard type A aortic dissection’ ajanga asü, ta osang ajanga metetdaktsü.
Pa temang nung tezü tuluba poktanger mapang talangka meli asü.
Taoba hopta, Canada nunger Thicke ya par tanur tanubosang den California nung Pickwick Gardens skating rink, Burbank tesem nung hocky asayaba mapang teku nung tashitsü atu. Ajisür pa mozükidangi anir or mapang talangka meli asü, ta osang ajangasa ashi.
“This Is Us” aser “Fuller House” amala TV series nung Thicke shilem agia liasü. Ajidang masü pa Pop reality series ‘Unusually Thicke” nunga tongti shilem agia lir.
1985 nungi 1992 tashi sayuba comedy show “Growing Pains” nung pai shilem kanga junga agiba ajanga pa sapur aika aküm.
Nüngtugu actor Leonardo DiCaprio, Candace Cameron Bure aser Leah Remini nungeri Thicke asüba asüku kemsatepogo.