Alaves aser Barcelona tsüngda King’s Cup final asayatsü

Madrid, February 09 (Agencies) : Alaves aser Celta Vigo tsüngda semi-final second leg asayaba nung Alaves telok nungi Edgar Mendez-i minute 83 buba nung goal ka agütsüba ajanga par telok küm 96 asayaba otsü tasen yangluteta King’s Cup final-i iogo.
Mauricio Pellegrino teloki Spanish Cup 28 ben koka alir, Barcelona den May ita nung final asayatsü. Celta teloki quarter-final nung Real Madrid tsükdaktsü.
Celta telok nungi Spain nunger Iago Aspas-i goal ka agütsütsü maongka angu saka Alaves indang goalkeeper, Fernando Pacheco-i kanga junga nokdangtet.
Asaya tenzüker minute 83 buba nung Alaves telok nungi Deyverson-i tekolak agi passing agütsü aser iba ball Victor Camarasa-ia tekolak agi agizüka Mendez nem agütsü aser pai iba ball kanga junga bener oa Celta goalkeeper, Sergio Alvarez alema ia iba goal agütsütet.
Alaves aser Barcelona tsüngda Nou Camp nung tamalen asayaba nung, Alaves teloki Barcelona madak 2-1 agi koka lir.