Alempang Youth Association mezüngbuba senden agi

Mokokchung, November 29 (TYO): Alempang Youth Association mezüngbuba lokti senden November 28 anogo Alempang Community Hall nung mungogo.
Iba sentong mezüng shilem nung Imlikümzük Longkumer (Süngkomen) ajanga tayongzükba o jembi aser “Tanü lokti tentet onsaraba ajanga alima tejakleni aoer” onük nung oleptep (debating) sentong agi.
Sentong tanabuba shilem nung Rongpangwati, Alempang Ward chairman ajanga tajungshi o jembi aser AYA osangtem agia liasü.
AYA ya 2014 nung tenzük aser ‘interim committee’ ka ketdangsüba kübok anir arua liasü aser tanüang ketdangpurtem shimteta taruba kümsük ana atema agizüka ayu. Ketdangpurtem yamai shima liasü: Tir – Imkongsashi, Tatong Tir – Pangeronen, Tongti Zülur – Imnatoshi Longkumer aser Repsem Zülur – Merangkaba.