Aleppo lendong nung skol tanur 7 asü

Damascus, November 20 (Agencies) : Deobarnü Aleppo, Syria nung sorkar anemertemi skol ki ka nung tapoktsü pokloktsüba mapang tajemba agi skol tanur parnok nisung 7 süogo, ta osang ajanga metetdaktsü.
Item telok jagi item tapoktsütemji Aleppo anüolen Al-Furqan tesem nung sorkar kübok aliba skol nung pokloktsü, ta Syrian Observatory for Human Rights-i ashiba Xinhua news agency osang ajanga metetdaktsü.
SANA news agency osang ajanga, iba lendong nung skol tanur 20 tashi yirur, ta metetdaktsüogo.
Tang yirur alirtem ajakji tasü taküm tsüngda lir, ta kasa osang ajangasa ashi.
Sorkar kübok aliba Aleppo tesem nung sorkar anemertemi amakba rongnung ibai tan tesüsa atalokba lir.