Alessandro Laureus World Sports Academy nung züngsemer

San Diego, March 16 (Agencies): Italy nunger football asayar mongin, Alessandro Del Piero nungtugu Laureus World Sports Academy züngsem 56 buba kümogo.
US kübok San Diego nung tentetba Tony Hawk Foundation nung sentong tajung ka agia, Alessandro Laureus Academy nung yashi, Mongolbar nü anioksema liasü.
“Laureus Academy zügnsemtemi kü nem maongka tulu agüja parnok rong nung nia anioksemba atema kanga pelar,” ta Alessandro-ia metetdaktsü.
Alessandro-i 1995 nungi tenzüka 2008 küm tashi nung par Italy national team tenüng nung asaya 91 nung shilem agi aser goal 27 tashi agüja liasü.
1998, 2002 aser 2006 densema, pai par Italy tenüng nung FIFA World Cup final asaya nung asemben tashi shilem agiba den külemi, 1996, 2000, 2004 aser 2008 densema, UEFA European Championships nunga pezüben tashi shilem agiba osang jangjaogo.