Ali Fazal Hollywood nungi Judi Dench den shilem agitsü

New Delhi, August 07 (Agencies): Bollywood actor, Ali Fazal-i Hollywood actress, Judi Dench den Stephen Frears-i direct asüba film ka nung külemi shilem agitsü maongka nguogo.
Tawa tanü ka nungi Bollywood nungi Hollywood nung kanga bulua ajemoker.
Tang Hollywood nung Deepika Padukone aser Priyanka Chopra nati shilem agidar, aser Ali-a tena den densemtsü.
Iba osang angashia actress Dia Mirza-i Fazal dang Twitter ajanga pelaba lemsatep.
“Ya jangratemtsüka lir  @alifazal9!!! Ibai asen nüklaji lir. Na teti pela liangma,” ta lai tweet asü.
Ali-i, “Parnoki ni English, Hindi aser Urdu oshi ajak shia aliba agi aginer asütsü akok. Iba movie atema ni bangsemo tera indaktsüdar aser iba jagi ni shilem agiba  ‘Happy Bhag Jayegi’ film ajungketba sentong nung ki makar nisung ka amai ngur alitsü. Iba film ya sayaba sülen ni London-i aotsü,” ta Bombay Times dang ashiba TOI osang ajanga metetdaktsü.