Ali Fazal-i ‘Arranged Marriage’ film nung tongti shilem agitsü

Mumbai, Mongputeni/October 24 (Agencies): Director-writer Pradeep Sarkar indang taruba film “Arranged Marriage” nung tongti shilem agitsü asoshi actor Ali Fazal anisemogo.
“Arranged Marriage” ya tanü asüng den apet temeimteper otsü ka asütsü koba Kolkata nung tangoktsü, ta sangdong ka ajanga metetdaktsü.
“Iba film otsü ya kanga twisted asütsü koba Pradeep sir-i kangajunga yangluogo. Onoki film yanglu tenzükogo,” ta Ali-i ashi.
“Iba film ya 2018 küm ama tangoktsü aser iba nung kibong makümtsüngda temeimtep, tesendaktep aser kinungertem den tesendaktep indang jenjang kar sayutsü,” ta paisa ashi.
Maneni Ali web series “Mirzapur” nung shilem agiba angutsü aser pai ashiba agi, iba series nung shilem agitsü asoshi maongka anguba atema pa kanga nema tanga bilemer.