Ali rongsen agi kodak lemang aibelendaktsür, saka Tsüngrem tenzükba wadang nung ochishia bendanga tenzükertem asoshibo temoatsü jendi lir

~ R.Imkong Lkr, Diphupar, Dimapur.

Iba lima nung taküm ka liyonga aotang pei tebok asüngtsü ya kanga tongtibang lir, yamaji nisung taküm kwika lir item shiaji pei tebok asüngtsü asoshi nisungtemi mapa meranga inyaker aser chiyunga jema alir. Tetenzük nung Tsüngremi Adam tang ashi ama, nisung shiai asentzü sena mapa meranga inyaker kelenang tebok chiyungtsü angubaji Tsüngremi mulungba tim mapa ka lir ta angateter. Saka shirnoki mapa meranga meinyak ser chiyungtsü talubusa ngua jangratema lidir, iba nisungbaji Tsüngremi mulungba anema lir. Nisung kari ashir, Tsüngremi agütsüba tekulok shisatsü junga shisa khaa amshira jangratema chia jema talubosa liteter ta bilemer aser jembir. Yamaji kari sen ishika agi tenzüka sensakertem nem sentem “interest” agi aputsür, aser ita ishika mesüra küm ishika tsüngda nungbo pa mesüra la tu takar kümer atar. Yamaji shirnokisa ibala mesükba mapa inyaka takar akümer, item jagibo pei mapa ajanga temoatsü angur asr ki jen tajung yangluteta, gari tajung alia takar akümer ta bilemer südi. Saka shidakbabo nai sensakertem dang nungi ambangyim agi sentem “interest” aika bendenba agi nü rongsen madaka tali tali bendenloka na takar akümer, nai sensakertemdang nungi rakzükraktemba agi sensakertem aika na ajanga ayaku tena timtemdaktsübaji na ambangyim meromeru ajanga ataloka lir ta metetdangma. Amos tapu 2:6-7. Anungji nenok iba mesükba takartem kodak yimli-i aitsü metemsü aser tasak asütsü- Mathi tapu 19:23.
Tanü shirnok Tsüngrem tenzükba wadang nung küm aika ochishia timtem jenti arema Kibuba tsüngdang tagizüktettsüsa tenzüka arudagi, oda parnok alima nung alitang yongi taküm tajung den arishi anogo küm noklangzüng 100 dak jia doktsür. Iba dakji chia chirnur aser semchisemnurtem atema jenjang tajung alangzüka doktsür, item ajak ya Tsüngrem nungi temoatsü sempet-tem masü na? Pa nung tali sangdi aser asüng ser tarutsü atema mapang tajung alangzükang. Yani T.Ken 90:10 nung ashi ama onok arishi anogotem tenem ser metsü “50+20 = 70 years old” tash ilidaktsür, mesüra arishi-a-kha küm lir anasüang lidaktsür “40+40 = 80 yerars old” aser ibajia timtem aser tejangshi den teowashia tang lia arishi tembanger ta shia angur, iba tia ya pei sasa amangtetba dak keta lir ta angateter.