Alia Bhatt-i kensep ka adoktsü

Mumbai, May 11, 2016: Bollywood actress, Alia Bhatt-i ‘Kapoor & Sons’, ‘Highway’ aser ‘Humpty Sharma Ki Dulhaniya’ film tem nung ken tenogo aser tarutsü nung lai kensep ka adoktsü bilemdar, ta osang ka ajanga ashi.

Alia Bhatt-i, “Atangji ni ken tenner, ajisüaka ni mongin kentener ka masü. Ni iba ama ya maongka ngura ni ken atentsü. Ajisüaka tangtangbo ni film nung ang rangloktsü. Tesülen ni kensep ka adoktsüa akok,” ta ashi.

Alia-i shilem agiba film tasentibaji ‘Udta Punjab’ lir aser iba film nung Shahid Kapoor, Kareena Kapoor Khan aser Diljit Dosanjh nungeria tongti shilem agir.

Iba film ya June 17 nü sayatsü.