Alia Bhatt-i Shah Rukh den film nung shilem agitsü maongka tajung angur

Mumbai, August 20 (Agencies): Bollywood actress, Alia Bhatt-i nungtugu Bollywood actor, Shah Rukh Khan den aroki film nung shilem agitsü maongka tajung nguogo.

‘English Vinglish’ film direct asüsang, Gauri Shinde-i direct asütsü renemba film nung Alia-i Shah Rukh den aroki tongti shilem agitsü jenjang tajung tan angur lir.

Ajisüaka, Karan Johar-i produce asütsü aliba film tenüngji alima dang tanü tashi memetetdaktsüi lir.

“Gauri-i direct asütsü renemba film nung Shah Rukh den aroki shilem agitsü yongyar,” ta Alia-ia Twitter ajanga metetdaktsüogo.

Tan yanglutsü renemba film ya Karan’er Dharma Productions aser Shah Rukh’s Red Chillies Entertainment & Hope Productions na külemi lungjemer produce asütsü renema lir.

“Chillies Entertainment & Hope Productions den külemi lungjemer Dharma Productions-i Alia o Shah Rukh na aroki shilem agiba film ka alima dang sayutsü renemba osang pelashishia sangdonger,” ta Karan-ia Twitter ajanga metetdaktsü.

Tan yanglutsü renemba ya Shah Rukh-i Alia den tan mezüngsüa aroki film nung shilem agitsü renemer lir.

Alia-i mezüngsüa shilem agiba ‘Student Of The Year’ film arishi küm 49 tain Shah Rukh-i produce asüba osang bushiteta lir.