Modern College aser DC XI Kohima telok asayartemi tang Kohima nung tasayadak 16 NSF asayamong nung toktepa shilem agiba noksa nung angur. (Kohima, September 19)
Kohima, September 19 (TYO): Alianza FC, Kohima; Oriental Collge Kohima; Kohima Village Students’ Union (KVSU) aser Modern College Kohima nungeri tanü Honibar nü takok ngua tang tasayadak 16 NSF asayamong 2 buba round asayatsü jenjang nguogo.
Alianza asayar, Shelminthang-i tanü asaya tenzüker minute 11 aser 39 buba na nung par telok asoshi goal 2 agüja kanga junga asayaba yong par Alianza teloki tanü goal 2-0 agi FC United Zhadima madak mezüngbuba asaya akok.
Peteneizo Kire-i minute 5 buba nung goal 1, Puniiru Neihu-i minute 19 aser 28 buba na nung goal 2 aser Berelhu-i minute 36 buba nung goal 1 agütsüba densema par Oriental teloki tanü goal 4-1 agi Galacticos FC Kohima telok tanabuba asaya nung tsükdaktsü.
A. Kapani-ia par Galacticos telok asoshi goal 1 minute 56 buba nung agüja liasü.
Tasembuba asaya nung KVSU telokia goal 2-0 agi Govt. HS School Siekhazou telok akok.
Mhasibeituo-i minute 3 aser 4 buba na nung par KVSU telok asoshi takokba goal 2-ji agütsü.
Seyielhousa aser Inoka Achumi nati asaya tenzüker minute 18 aser 24 buba na nung goal ka ka agütsüba ajanga par Modern College teloki goal 2-1 agi DC XI Kohima telok pezübuba asaya nung tsükdaktsü.
Kethozhapu-ia minute 21 buba nung par DC XI telok asoshi goal 1 agütsü saka par teloki tamakok ajurutsüsa aküm.
September ita 21 nü asaya yamai alitsü:
1st Match (9:30 AM): Flamers FC Kohima vs Veracious FC Phek
2nd Match (11:00 AM): Tiema-Khe Kidima vs Junior Anchor Club Kohima
3rd match: (12:30 PM): Dihoma Village SU vs Medziphema Village SU
4th Match (2:00 PM): Zhavame SU Phek vs New Market XI
You must be logged in to post a comment Login