Aliba nung arem shititemi timtem agütsür

Dimapur, November 15 (TYO) : Mokokchung district kübok Aliba yimtsüng nung arem shititemi tsüklu raksaja timtem agütsür.
Aliba nunger lushi nung yimertemi tsüklu tsünüteta aliba aika arem shititemi raksatsüogo aser iba timtem atema state sorkari mapa kar inyaktsüla ta aluyimertemi mepishia metetdaktsü.
“Onoki shititem dak injang agi akahtsü temelaba mali anungji parnok meindoktsü atema onoki crackers apoktsüba dak alaka tanga lenmang kecha mali” ta takoksa anguba alu kiburtem rongnung Lanukaba-i ashi.
“Tang tashi nung onoki shititem aridoktsü atema crackers aliba nung sen meyrijang 20 tema endokogo” ta paisa shisem.