Aliba nung Financial Literacy Camp (FLC) agi

Dimapur, March 22 (TYO) : March 21, 2016 nü Aliba yimtsüng nung Financial Literacy Camp (FLC) ka ayongzüka agi.
Iba sentong ya NABARD-i FIF kübok teyari agüja Care & Support Society-i Nagaland State Cooperative Bank Ltd., Mokokchung den yaritepa ayongzük aser nisung 73 aden.
Sentong nung mendenji Care and Support Society Managing Director, Imchawati Kichu liasü aser Aliba Village Council Chairman, Nokzenketba-i tesentepertem pela agizük.
Sentong nung NABARD, Mokokchung DDM, S. Amarjit Mangang-i NABARD ajanga agri-allied sector aser rural areas nung mapa balala inyakba osang metetdaktsü.
Paisa, Farmers Club, SHG/JLG bank linkage programmes indang onüktem jembi aser NABARD-i Mokokchung district nung rural infrastructure inyakba metetdaktsü.
Sentong nungsa NSCB, Mokokchung, Assistant Branch Manager, FLC in-charge, Temsulepden Imchen-i banking, savings aser financial planning indang onük jembi.