Aliba yimdak Community Conserved Areas Management Plan workshop agi

Mokokchung, Aenjeti 20 (TYO): Aenjeti 19 aser 20 anogotem nung Aliba yimdak Aliba, Mangmetong, Kinunger aser Chungtia yimtem nungi Community Conserved Areas züngsemtem Community conserved area management plan preparation workshop nung shilem agia denogo.
Osang angazükba agi, Mokokchung district nung community conserved areas 54 lir aser iba workshop ya Foundation for Ecological Security-i ayongzüka liasü.
Anogo ananü workshop nung Foundation for Ecological Security aser Nagaland Empowerment of People through economic development (NEPED) nati senteper yangluba framework amshia shilem agirtemi management plan renema liasü.