Alima A.I anogo amongtsü

Dimapur, Sept.29 (TYO) : October 2 ya ” World Artificial Insemination” anogo lir aser Dimapur nunga iba anogomong amongtsü asoshi sentong renema lir ta Chief Veterinary Officer (CVO), Dr.Temsü Ozükümi metetdaktsüogo.

Anungji, nashi metsürtem shirnoki iba teyari aginer, parnoki CVO Dimapur den tongtepratepang ta metetdaktsü.

Ano, Dimapur CVO-isa metetdaktsüba agi, September 28, 2016 nü nungi tenzüka Veterinary Hospital, Burma Camp, Dimapur nung “Anti Rabies Vaccination” agütsüdagi aser iba sentong ya “World Animal Day” October 4 tashi aotsü, anungji azü alirtemi iba teyari agitsü asoshi Dimapur CVO-i mepishia metetdaktsüogo.