Alima ajak lungjemer kiralongraba anema raradi:Iran

Tehran, September 4 (Agencies) : Iran Foreign Ministry-i Pakistan nung Honibarnü kiranglongrari lendong agütsüba aitsüa ashidang international telok dang iba tebilemtsü atema ka küma lungjemtsü ajungshiba Deobarnü osangbenertemi metetdaktsü.
Pakistan Khyber Pakhtunkhwa province nung taküm bendanga agütsür tapoktsü tesashi poklokja tesem ana tashi nung lendong agütsüdang tajemba agi nisung 18 asü aser 50 dak tema yiru, ta osang kar ajanga ashi.
Iran Foreign Ministry nungi otongdar Bahram Qasemi-i Pakistan sorkar aser tasür kinungertem den asüku lemsatepogo.
“Anogo shia amai tai maketba nüburtem taküm samaja yirutsürtem nokdangtsüji alima rangben tebilemtsü lir,” ta Qasemi-i sangdong ka nung ashiba ashiba Xinhua news agency osang ajanga metetdaktsü.
“Iba ama kiralongraba telok den raratsü atema alima ajak lungjemtsü nüngdak,” ta pai ashi.