Alima ajunga nung ghonda 48 tashi internet shibangtsü akok

Mongputeni/October 12 (Agencies): Taruba ghonda 48 tsüngda tashi nung tongtibang ‘domain server’ tem nung ‘routine maintenance’ aotsü ternemba lir. Iba mapang alima ajunga nung internet user temi ‘network’ tamakok aluba ajangshitsü akok.
Russia Today sangdong ka ajanga angazükba agi, tongtibang domain server aser iba dak sentakba network infrastructure mapang tatsüka atema shibangtsü. Ajiasünung, alima ajunga nung internet amshirtemi network connection tamakok aluba ajangshitsü akok.
The Internet Corporation of Assigned Names and Numbers (ICANN)-i iba mapang (ghonda 48) tsüngda maintenance maparentem inyaka ‘cryptographic key’ melentsütsü.
Iba cryptographic key ajanga internet indang address book mesüra Domain Name System (DNS) kümzüka ayutsü atema teyari agütsü.
Iba maparen tenzüktsü nüngdaka akümba ya cyber attack nungi kümzüka aser jenbua alitsü nükjidong nung inyaker ta, ICANN-i ashi.
Communications Regulatory Authority (CRA)-i ashiba agi, ‘secure’, ‘stable’ aser ‘resilient’ DNS atema global internet shibangtsü nüngdaker.
“Iba temelenshiba atema renema melira network operator mesüra Internet Service Providers (ISPs) nung internet user temi timtem ajurutsü akok.
“Ajisüaka, user temi ‘system security extensions’ tim amhsia iba timtem nokdangtettsü akok,” ta kasa sangdong ajanga metetdaktsü.
Taruba ghonda 48 tsüngda tashi nung internet user temi web page tem access mesüra sen transaction asütsü merangba nung tetsükdaktsü ajurutsü akok. Tejenba ISP user tem lira parnoki iba mapang global network access asütsü atema mepetmesü ajurutsü akok.