Alima ajunga nung tzüyimma nung yangluba apu talangtiba ajurutepdaktsüogo

Alima ajunga nung tzüyimma nung yangluba apu talangtiba, Hong Kong-Zhuhai-Macao Bridge China southeast tsütsü, Guangdong Province kübok Zhuhai nung ka küma ajurutepdakja yangluba sülen tayimtsü nungi agiba apu noksa ka yangi angur. (Zhuhai, June 29, 2016).

Guangzhou, June 29 (Agencies): China southeast tsütsülen Guangdong Province kübok Zhuhai, Hong Kong aser China anülulentip tsütsü densemba Macau province ajurutepdaktsüba apu, Hong Kong-Zhuhai-Macao bridge ka küma tanü Bodhbar nü ajurutepdaktsüogo.
Osettsüset taret ajungshiba kol amshia apu ajurutepdaktsüba sülen gari senzütettsüsa apuji menoktsü renema lir.
Pearl River tzüyimma nung yangluba apu ya alima ajunga nung tzüyimma nung yangluba apu talangtiba lir.
Tzüyim telung nung tunnel kilometer 6.7 talang densemba kilometer 22.9 talang apu yangludang tanü tashi nung steel ton 400,000 dak tema amshiba osang ka apu yanglur lenisang, Wei Dongqing-i metetdaktsü.
“Iba apu ya 2009 küm December ita nungi tenzüka yanglu aser Hong Kong kübok Lantau Island nungi tenzüka Zhuhai aser Macao nati aotsüsa apuji kongsang densema yangluogo. Iba apu tembanga yangluba sülen apuji kilometer 55 talang alitsü,” ta pai osang jangjashitsü.
“Iba apu tembanga yangluba sülen Hong Kong nungi Zhuhai tonga aodang ghonda pezü agia aliba mapangji ghonda ka shi nung dang jajatettsü,” ta paisa shisem.