Alima nung kepra tilatiba China nung bushitetogo

Beijing, September 30 (Agencies): Scientist-temi alima nung kepra tilatiba China nung bushitetogo.

China anülulentip tsütsü Guangxi Province nung anguba limestone lung nungi akümba ali tendangdang Bern nung tentetba University & Natural History Museum kübok Adrienne Jochum University aser Shinshu Unversity nung scientist, Barna Pall-Gergely aser Takahiro Asami nati milimeter (mm) 1 den tila kepraji bushitet.

Angustopila dominikae ta ajaba kepraji 0.86mm aliba osang bushitetogo aser sü arrba ajem ki nung iba amala kepra 10 tashi yutetsü ta parnoki metetdaktsüogo.

Pall-Gergely-i aniba teloki ali nung senzüba kepra tapu tasen 7 tashi tan bushitet aser iba osangji ZooKeys osangkaket nung adoktsü.