Alima nung mezüngbuba hospital train nung shiranger 1000 dak tema anepalu

Agartala, Luchii (December) 21 (Agencies): North Tripura district nung shiranger nisung 1,000 dak atema Lifeline Express nung temang anepaluogo.
Iba ya alima nung mezüngbuba hospital train lir aser parnok Churaibari railway station nung anepalu, ta ketdangsertemi ashi.
Mezüng anogo nung shiranger 400 tashi anepalu aser Bodbarnü nisung 600 jungnüa anepalu, ta Life Line Express Joint Director Anil Premsagar-i ashi.
Train nung diagnostic, medical aser advanced surgical treatment agütsür, ta Premsagar-isa ashi.
Brihotisbarnü hospital train nung cataract patients 77 tashi anepalu, ta paisa shisem.
Health Department-i Lifeline Express nung staff den yariteptsü atema nisung 11 mapa lemzüktsü, ta North Tripura district Chief Medical Officer, Jagadish Chandra Nama-ia ashi.
Train ya December 16 nü Tripura tonga aru aser Mongulbar nungi healthcare services agütsütsü tenzük. Iba ya January 6, 2019 tashi agitsü, ta Churaibari Assistant Station Superintendent Prasanta Bhattacharjee-ia metetdaktsü.
Lifeline Express (Jeevan Rekha Express) ya Impact India Foundation, Indian Railways aser Health Ministry tem yaritepa inyakba mapa ka lir.
1991 nungi iba train yagi meta talang pilar aliba tesemtem nung healthcare services agüja arur.
1991 nung tenzükba sülen Lifeline Express ajanga state 20 kübok district 184 nung nisung lakh 10 shi yaria arur.