Alima nung mezüngbuba wireless charging laptop yangluteta lir

July 13, 2017 (Agencies): Dell company ajanga alima nung otsü tasen ya yanglutetogo. Iba company ajanga alima nung mezüngbuba ‘wirelessly Charging Laptop – Dell Latitude 7285’ sayaogo. Kasa company indang Dell Latitude 7000 series laptop ya alima nung Windows amshia ‘PC first, tablet secod’ hybrid laptop tapuba aser tepongbaba, ta züngshir.
Tasazük inch 12 ajungba 2-in1 hybrid laptop ya ana küma semdangtsü akoker aser Wireless Charging Keyboard amshia iba laptop indang battery ya charge süteter. Iba laptop atema Wireless Charging Mat ka lir aser power 30W agütsür. Iba laptop indang keyboard ya yin nung mamshitsü asoshi tekümdangtsü shia lir.
Dell Latitude 7285 laptop nung features kar yamai lir:
1. Iba laptop ya Tent, Laptop, Slate aser Tablet ama amshitsü akoker aser IGZO 3K screen ka lir aser iba screen ya agizüka semzüka amshiteter. Iba laptop tuozük pound 1.5 lir.
2. Iba laptop charge asüdang power ya 22WHr agütsür. Wireless keyboard ka den Hybrid Adaptor ka densema angur aser iba ya alima nung mezüngbuba ‘modular power device’ lir.
3. Dell Latitude 7285 laptop nung amshitsü asoshi ‘active pen’ ka densema lir.
4. Iba laptop nung Intel Core I Series processor, Windows 10 Pro, M.2 256GB PCIe NVMe Class 35 Solid State Drive, 8GB RAM aser 256GB Hard Drive keta lir.
5. Iba laptop nung password amshitsü asoshi Infrared Camera aser Windows Hello keta lir.
Dell Latitude 7285 den wireless keyboard US Market nung sen $1,789 agi Dell indang website nungi alitsü akoker.