Alima nung naro tulutiba, ‘Amorphophallus Titanum’ Tokyo nung küm 5 sülen tanaben aponger

Tokyo, July 27 (Agencies): Alima ajunga nung naro tulutiba, ‘Amorphophallus Titanum’ küm 5 sülen Tokyo yimti nung tanaben apongtsü tenzükogo.
Feet 6.5 talang naro ya Tokyo kübok Chofu nung tentetba Jindai Botanical Gardens nung tanaben apongtsü tenzükba sülen Japan nunger aser raliwalirtemi iba naro reprangtsü asoshi kanga dang lungsoa iba atsüki-i aoba osang jangjaogo.
Ajisüaka, naro tanga ama, teronem tajung adokdaktsütsü melena iba naro nungi teshinem tamajung adokba yong iba naro dang ‘Tasümang naro’ ta tenüng agüja lir.
Indonesia anülulentip tsütsü Sumatara nung apongba naro-i manga amala mesen balala puatsü asoshi shi tashi dang menemba ama teshinem adokdaktsür ta mongintemi metetdaktsüogo.
Iba naro ya alima tesem ishika nung dang taküm liteta apongba yong International Union for Conservation of Nature (IUCN)-i naro ya wakzüka ayutsü maparen tenzüka lir.