Alima nung pop Kentener takaribaji Bono kümogo

August 31, 2015: U2 nungi kentener Bono-i pa indang Facebook shares nungi pound sen billion ka shi ajangzüktetba sülen alima nung pop kentener takartibaji pa kümogo.

‘Beautiful day’ ken atensang Bono-i 2009 küm investment group, Elevation Partners dang nungi pound sen millon 56-i social media network nung share shilem 2.3 alizüka liasü. Iba Group nung pa co-founder lir.

Tanübo iba share ajanga pound sen millon 940 shi ajangzükogo, ta osang ka ajanga ashi.

Iba tetezü Bono-i sen invest asüba ajanga tesüiba küm trok tsüngda pai sen jenti ajangzükogo, ta mirror.co.uk. ajanga ashi.

Bono-i iba jenjang ya Beatles züngsem Paul McCartney madak takok ngutetba lir. Paul ket nung pound sen million 730 lir aser tasembuba jenjang nung Madonna ket nung pound sen million 520 lir.