Alima nung rongsen timba aliba club ji Real Madrid

Madrid, July 16 (Agencies) : Alima nung rongsen timtiba aliba club rongnung jenjang mezüngbubaji Spanish football club Real Madrid lir ta Forbes magazine-i asadangtetba osang metetdaktsü.
Taküm agi pezübenbuba atongtepa Real Madrid-i iba jenjang ngutetogo aser Forbes-i asadangba nung Real Madrid indang jenjangji $3.26 billion lir, ta metetdaktsü.
Iba tarensen nung tanabuba jenjang nung America nunger football club Dallas Cowboys aser New York Yankees nati angu. Iba club ana jenjangji $3.20 billion shi lir.
Real Madrid den toktepba club FC Barcelona pur tanabuba jenjang nungi pezübubai luogo aser parnok indang rongsenji $3.16 billion lir.
Ano, English football club Manchester United pur jenjang tasembuba nungi pungububau ajema alu aser parnok indang rongsenji $3.1 billion lir.
Tematiba 10 tarensen nung American sports team ana nungi cluba aika dena lir. Parnokji – Los Angeles Lakers (6), New York Knicks (8), New England Patriots (6), Washington Redskins (9) aser Los Angeles Dodgers (9).